95 ඉඳලා 2015 වෙනකම් UNP අයට සමෘද්ධිය තහනම් වුණා……….. අපි නම් පක්ෂේ බැලුවේ නෑ ලක්ෂ 6කට සමෘද්ධිය දුන්නා…….

0

වැඩකිරීමේදි දේශපාලනයට වඩා ජනතා අවශ්‍යතාවය ගැන සැළකිලිමත් විය යුතු බව අමාත්‍ය තලතා අතුකෝරළ පවසනවා.

අමාත්‍යවරිය මේ බව සඳහන් කළේ රුපියල් ලක්ෂ 400 ක වියදමින් ඉදිකිරීමට නියමිත නිවිතිගල දොලොස්වල පංසල්තොටේ පාලමෙහි ඉදිකිරීම් කටයුතු ආරම්භ කිරීමේ අවස්ථාවට ඊයේ (06) එක් වෙමිනි.

එහිදි අදහස් දැක්වූ අමාත්‍යවරිය,

“අවුරුදු තුන හමාරක් තුළ මේ නිවිතිගල පමණක් පාලම් 10 ක් දැනට විවෘත කරලා තියෙනවා.අපේ රජය හැම වසමකම රුපියල් කෝටියකට වඩා වැඩි වැඩ කොටසක් කරලා තියෙනවා.ඔය මොකුත් කරලා නැහැ කියලා කියන අයට එන්න කියන්ඩ අපි කරපු වැඩ මම පෙන්වන්නම්.මේ වැඩ සදහා අවශ්‍ය සහාය ලබා දෙන ජනාධිපතිතුමාටත් අගමැතිතුමාටත් ස්තුති වන්ත විය යුතුයි ගම්පෙරළිය වැඩ සටහන යටතේ මේ වසරේ රුපියල් ලක්ෂ 3000 ක මුදලක් ගෙනත් තියෙනවා ගම්වල තමුන්නාන්සේලාට අවශ්‍ය යටිතල පහසුකම් ලබාදීලා යහපත් වාතාවරණයක් ලබාදීම අපේ වගකීමක්. අද අපේ රටේ තිබෙන නිවැරදි නායකත්වය නිසා සියලුදෙනාටම සැනසිල්ලේ ජීවත් වන්න පුලුවන්. අපි ජනතාවට ස්වාධීනව ජීවත් වන්න පුළුවන් වටපිටාවක් ඇතිකරල තියනවා. සමහර අය අධිකරණයට බලපෑම් තියෙනවා කියලා කියනවා. එහෙම නෑ, විදේශ විනිශ්චයකාරවරුන් ගේනව කියලා කියනවා, එහෙම විදේශ විනිශ්චයකාරවරුන් ගේන්න අපේ කාලේනම් ඉඩ දෙන්නේ නැහැ. ජනතාවට අවශ්‍ය පහසුකම් ලබා දීම රජයේ වගකීමක් වුනාට සුදුසුකම් තිබෙන අයට 95 ඉඳලා 2015 දක්වා යූ එන් පී අයට සමෘද්ධිය තහනම් වුනා.

අපි වැඩකිරීමේදී දේශපාලනය නෙමෙයි බලන්න ඕනි අවශ්‍යතාවයයි. සමාජ ජාලා ඔස්සේ බොරු ප්‍රචාර ඇති කරලා ඇතැම් පිරිස් සමාජය නොමග යවනවා, ඒවා නැති කරන්න ඕනි, අසත්‍ය ප්‍රචාර පැතිරවීම දඩුවම් ලැබිය හැකි වරදක් බවට පත් කරලා ඒ සඳහා නීතියක් ගෙන ඒමට කටයුතු කරලා තියෙනවා. ඊට අවශ්‍ය අමාත්‍ය මණ්ඩල අනුමැතිය මේ වන විටත් අරගෙන තියෙනවා. අධිකරණ කෞතුකාගාරයක් ඉදිකිරීමේ කටයුතු ආරම්භ කරමින් පවතිනවා. ඒක බැරෑරුම් කටයුත්තක් ඉදිරි වසර කිහිපය තුල එම කෞතුකාගාරය ඉදි කිරීමට කටයුතු සිදු කරනවා. එදා ජනාධිපතිවරණය වෙලාවේ අපි බොහොම අමාරුවෙන් මේ ප්‍රෙදේශවල මැතිවරණ කටයුතු කළේ ඒත් අපිට ඡන්දය දුන්න මිනිස්සුන්ට ලැජ්ජාවකින් තොරව කතා කරන්න පුලුවන් වාතාවරණයක් අපි ඇතිකරලා තියෙනවා.අපි අවශ්‍ය සංවර්ධනය ගමට ගෙනත් තියෙනවා.”