පොදුජන පෙරමුණ භීෂණය අරඹයි….. මාධ්‍යවේදියෙකුගේ නිවසකට මැර ප්‍රහාරයක්

0

මාධ්‍යවේදී ලසන්ත විජයරත්නගේ ගාල්ල හබරාදූව, මීපේ හී පිහිටි නිවසට අද අලුයම ශ්‍රී ලංකා පොදුජන පෙරමුණේ ක්‍රියාකාරීන් පිරිසක් විසින් එල්ල කල ප්‍රහාරයකින් බරපතළ තුවාල ලැබූ ඔහු රෝහල් ගත කර ඇතැයි වාර්තා වනවා.

අද අලුයම මුහුණු ආවරණ පැළඳ පැමිණි හතර දෙනෙකුගෙන් සමන්විත නන්නාදුන කල්ලියක් විසින් මෙම ප්‍රහාරය එල්ල කර ඇත.

තුවක්කු වලින් සන්නද්ධව පැමිණි කණ්ඩායම විසින් ලසන්ත විජයරත්නට පහර දී තියුණු ආයුධයකින් අතකට පහරදී ඇති අතර ඔහු මේ වනවිට රෝහල් ගත කර තිබේ.

“නාස්තිකාර සංවර්ධනය හා දූෂණය” නමැති ග්‍රන්ථය රචනා කරමින් ලසන්ත විජයරත්න ගෝඨාභය රාජපක්ෂ මහතාගේ දූෂණ සහ වංචා පිළිබඳව කරුණු රැසක් හෙළිදරව් කිරීමට කටයුතු කල අතර ඉන් සති දෙකක් ඇතුලත මෙම ප්‍රහාරය එල්ල වී තිබේ.

ප්‍රහාරය සදහා පැමිණි කල්ලිය විසින් ලසන්ත විජයරත්නට සහ ඔහුගේ බිරිඳට මරණ තර්ජන එල්ල කර ඇති අතර ගෝඨාභය රාජපක්ෂගේ වංචා දූෂණ පිළිබඳව හෙළිදරව් කලහොත් පොදුජන පෙරමුණ ජයග්‍රහණය කලද, නොකලද අනිවාර්යෙන්ම ඔවුන්ව ඝාතනය කරන බවට තර්ජනය කර තිබේ.

මෙම සිදුවීම සම්බන්ධයෙන් හබරාදූව පොලීසිය වැඩිදුර පරීක්ෂණ පවත්වනවා.